Дар музофоти Шандуни Чин собиқ раиси раёсати Bank of China Лю Лянже ба эъдом маҳкум шуд, хабар медиҳад хабаргузории Синхуа.
Додгоҳ дастури мусодираи тамоми молу мулки Лю ва аз ҳуқуқҳои маданӣ маҳрум кардани ӯро содир кард.
Тибқи тафтишот, ки додгоҳ онро боэътимод эътироф кардааст, Лю ба маблағи беш аз 121 миллион юан (16,6 миллион доллар) ришва гирифтааст ва ба таври ғайриқонунӣ дар додани қарз мусоидат кардааст. Ӯ аз моҳи октябри соли 2023 дар ҳабс аст.
Ин ҳукм ду сол ба таъхир андохтани ҳукми қатлро дар бар мегирад. Агар Лю дар ин муддат ҷиноятҳои нав содир накунад, ҷазо ба ҳабси абад иваз карда мешавад.
Қаблан расонаҳо навишта буданд, ки муовини собиқи раиси Бонки марказии Чин ба далели ришва ба эъдом маҳкум шудааст.
Блоки рекламавӣ
