Рӯзи сешанбе расонаҳои давлатии Чин гузориш доданд, ки дар натиҷаи сӯхтор дар як корхонаи шаҳри Аняни вилояти Ҳенани Чин 36 нафар кушта ва ду нафари дигар захмӣ шудаанд.

Дар гузориш гуфта мешавад, ки сӯхтор дар ширкати Kaixinda Trading Co Ltd дар Венфэн ё “Минтақаи баландтехнологӣ”-и ноҳияи Анянг рух додааст.

Расонаҳои маҳаллӣ мегӯянд, оташсӯзӣ нимаи дуюми рӯзи душанбе оғоз шуд ва дастаҳои оташнишонӣ 63 мошинро ба ҷойи ҳодиса фиристоданд.

Сӯхтор то соати 20:00 ба вақти маҳаллӣ (12:00 ба вақти Гринвич) ҷилавгирӣ шуда, соати 23:00 комилан хомӯш карда шуд. Субҳи рӯзи сешанбе хабар дода шуд, ки 36 нафар кушта ва ду нафар бо ҷароҳатҳои сабук бистарӣ шуданд.

Тибқи маълумоти пешакӣ, ду нафари дигар бедарак шудаанд.

Блоки рекламавӣ

ЯК ҶАВОБ ТАРК

Please enter your comment!
Please enter your name here