29-уми июл дар Бозиҳои олимпии Токио-2020 варзишгари Тоҷикистон Сиёвуш Зуҳуров дар муштзанӣ муҳориба кард ва ноком гардид.
Сиёвуш, ки дар даври аввал озод буд, дар даври ҳаштякфинали вазни +91кг аз намояндаи Фаронса Мурод Алиев бо ҳисоби 0:5 мағлуб шуд.
25 июл варзишгари дигарамон дар ин намуд Шаббос Негматуллоев дар вазни -81кг бо варзишгари Чин Даксиан Ченг муҳориба карда, бо ҳисоби 0:4 шикаст хӯрда, аз идомаи рақобатҳо маҳрум гардида буд.
Танҳо Баҳодур Усмонов дар вазни -63кг дар даври аввал бар намояндаи Доминикан Леонел Сантос Нунез бо ҳисоби 4:1 ғалаба кард, ки 31-уми июл дар даври 1/8-финал бо Элнур Абдураҳимов (Узбекистон) вомехӯрад.
Фардо, 30-юми июл, Темур Раҳимов дар намуди ҷудо дар вазни +100кг куштӣ мегирад. Ҳарифи нахустинаш Эндӣ Гранда аз Куба мебошад. Ҳамчунин, Анастасия Тюрина ва Олимҷон Ишанов дар шиноварӣ ба масофаи 50м, тарзи озод дар даври интихобӣ ширкат мекунанд.
