Рухсатипулии омӯзгорони муассисаҳои таълимӣ дар вилояти Хатлон то имрӯз беш аз 60 дарсад пардохт карда шудааст.
Аз Сарраёсати Вазорати молияи Ҷумҳурии Тоҷикистон дар вилояти Хатлон ба “Фараж” иттилоъ доданд, ки аз 219,8 миллион сомон маблағи рухсатипулӣ то ба имрӯз 132 миллиони он ба омӯзгорон пардохт шудааст. Ин нишондиҳанда 60 фисади маблағи рухсатипулии омӯзгоронро дар бар мегирад.
Ҳамчунин аз ин ниҳод иттилоъ доданд, ки дар байни 25 шаҳру ноҳия то имрӯз 8 шаҳру ноҳия пурра рухсатипулӣ омӯзгоронро пардохт кардаанд.
“Рухсатпулии омӯзгорон рӯзҳои наздик пурра пардохт хоҳад шуд” – илова карданд аз Сарраёсати Вазорати молия.
Блоки рекламавӣ
