Оилаи Каримов аз як ширкат маҳрум мешавад

Маркази савдои «Абу Сахий», ки ба Темур Тиллоев, домоди хурдии президенти собиқи  Ӯзбекистон Ислом Каримов, тааллуқ дошт, аз ӯ гирифта мешавад.

Марк Ривманд, вакили америкоии Темур Тиллоев ва Лола Каримова-Тиллоева, тағйири соҳиби ширкати «Абӯ Сахий»-ро таъйид кардааст.

Ширкати «Абу Сахий» дар соли 2008-ум аз ҷониби Темур Тиллоев таъсис ёфтааст, ки ба бузургтарин ширкати воридоти Ӯзбекистон табдил шудааст.

Дар солҳои президентии Каримов маркази савдои «Абу Сахий» мустақар дар 25 гектар замин дар ғарби Тошканд аз бузургтарин бозори умдаи фурӯши сартосари Ӯзбекистон ба ҳисоб мерафт.